Malankara Church History

കേരളത്തിൽ നിന്ന് പ്രസിദ്ധീകരണം ആരംഭിച്ച ആദ്യത്തെ ലക്ഷണമൊത്ത വൃത്താന്തപത്രമാണ് വെസ്റ്റേൺ സ്റ്റാർ. അതിന്റെ മലയാളം പതിപ്പായിരുന്നു പശ്ചിമതാരക. 1860-ൽ പോൾ മെൽവിൻ വാക്കർ സായ്‌പ്പ്, അക്കര കുര്യൻ റൈറ്റർ, ദേവ്‌ജി ഭീംജി സേട്ട് തുടങ്ങി ഏഴ് ധനാഢ്യർ ചേർന്ന് കൊച്ചിയിൽ സ്ഥാപിച്ച മലബാർ പ്രിന്റിങ് കമ്പനി എന്ന അച്ചുകൂടത്തിൽ നിന്നാണ് ദി വെസ്റ്റേൺ സ്റ്റാർ എന്ന ഇംഗ്ലീഷ് വൃത്താന്തപത്രം അച്ചടിച്ചു പ്രസിദ്ധപ്പെടുത്തിയിരുന്നത്. 1864-ലാണ് പശ്ചിമതാരകയുടെയും പ്രസാധനം കൊച്ചിയിൽ നിന്ന് ആരംഭിച്ചത്. അക്കര കുര്യൻ റൈറ്റർ തന്നെയായിരുന്നു പശ്ചിമതാരകയുടെയും മുഖ്യതേരാളി. ടി. ജെ. പൈലി, ഇട്ടൂപ്പ് റൈറ്റർ, കല്ലൂർ ഉമ്മൻ ഫിലിപ്പോസ് തുടങ്ങിയവരായിരുന്നു പശ്ചിമതാരക പത്രത്തിന്റെ ആദ്യകാല പത്രാധിപന്മാർ. എൺപത് വർഷക്കാലം പ്രസാധനം തുടർന്നുകൊണ്ടുപോകാൻ വെസ്റ്റേൺ സ്റ്റാറിന് കഴിഞ്ഞുവെങ്കിലും പശ്ചിമതാരകയ്ക്ക് ഏറെക്കാലം പിടിച്ചുനില്ക്കാൻ കഴിഞ്ഞില്ല. പശ്ചിമതാരകയ്ക്ക് ആഴ്ച്ചപ്പതിപ്പായി ഒരു പുനർജന്മം ഉണ്ടായത് 1977ലാണ്. കുര്യൻ റൈറ്ററുടെ പൗത്രന്മാരിൽ ഒരാളായ സി. കോരയുടെ രണ്ടാമത്തെ മകനായ സി. ചെറിയാൻ ആയിരുന്നു പശ്ചിമതാരക ആഴ്ചപ്പതിപ്പിന്റെ ഉടമയു...

5. വൈദികരുടെ വിവാഹം 1. കശ്ശീശാ സ്ഥാനമേറ്റശേഷം വിവാഹം കഴിക്കുന്ന പട്ടക്കാര്‍ കര്‍മ്മം നടത്തുന്നതു കാനോന്‍ നിശ്ചയങ്ങള്‍ക്കും സഭാനടപടികള്‍ക്കും വിരുദ്ധമാകയാല്‍ ആയതു അനുവദിക്കാവതല്ല. ഈ നിയമം ലംഘിച്ചു കര്‍മ്മം നടത്തുന്നവരുടെ പേരില്‍ ഇടവക മെത്രാപ്പോലീത്തന്മാര്‍ മുറപ്രകാരമുള്ള നടപടികള്‍ എടുക്കേണ്ടതാണ് (1958 ഏപ്രില്‍ 29; 1972 ഫെബ്രു. 18; 1976 മാച്ച് 31 എന്നീ തീയതികളിലെ പ. സുന്നഹദോസ് നിശ്ചയങ്ങള്‍). 2) സഭാ നിയമപ്രകാരം കശ്ശീശന്മാര്‍ക്കും പൂര്‍ണ്ണ ശെമ്മാശന്മാര്‍ക്കും വിവാഹം കഴിക്കുന്നതിനു അനുവാദമില്ല (ബാറെബ്രായയുടെ ഹൂദായ കാനോന്‍ 7-ാം അദ്ധ്യായം 4-ാം ഖണ്ഡിക നീയോ കൈസ്സറിയാ നിശ്ചയം. 1). എന്നാല്‍ വിവാഹം കഴിക്കുന്നതിനുള്ള അനുവാദത്തോടു കൂടി (അതായതു conditional ആയിട്ട്) പൂര്‍ണ്ണ ശെമ്മാശ്ശനായിട്ടുണ്ടെങ്കില്‍ അങ്ങനെയുള്ള പൂര്‍ണ്ണ ശെമ്മാശ്ശന്മാര്‍ക്കു വിവാഹം കഴിക്കുന്നതിനു സഭാപാരമ്പര്യപ്രകാരം ഈ നിയമം തടസ്സമായിരിക്കുകയില്ല. 3) പൂര്‍ണ്ണ ശെമ്മാശ്ശനോ പട്ടക്കാരനോ വിവാഹം കഴിക്കുവാന്‍ സഭ അനുവദിക്കുന്നില്ലെങ്കിലും യോഗ്യതയുള്ള വിവാഹം കഴിച്ച ശുശ്രൂഷാ സ്ഥാനികള്‍ക്കും അത്മായക്കാര്‍ക്കും ശെമ്മാശ്ശനോ പട്ടക്കാരനോ ആകുന്നതിന...

 74. മേല്‍ 70-മതു വകുപ്പില്‍ പറയുന്നപ്രകാരം സെമിനാരി മുതലായതിനെപ്പറ്റി ഹൈക്കോര്‍ട്ടില്‍ 1059-മാണ്ട് വക 137-ാം നമ്പ്ര് 1061-മാണ്ട് തുലാ മാസത്തില്‍ വിധിയായ ശേഷം വാദി മാര്‍ ദീവന്നാസ്യോസ് മെത്രാപ്പോലീത്തായുടെ അപേക്ഷയിന്മേല്‍ വിധി നടത്തിപ്പാന്‍ ഉണ്ടായ ഉത്തരവുംകൊണ്ട് ആലപ്പുഴ കോര്‍ട്ടില്‍ ഗുമസ്തന്‍ നാണുപണിക്കര്‍ എന്ന ആള്‍ കമ്മീഷണറായി സെമിനാരിയില്‍ വരികയും കോട്ടയം തഹസീല്‍ദാര്‍ മാധവന്‍പിള്ളയും പോലീസ് ഇന്‍സ്പെക്ടര്‍ വെയിഗസും കൂടി നിന്നു സെമിനാരിയുടെ വാതിലുകളുടെ താഴുകള്‍ കൊല്ലനെ കൊണ്ടു തല്ലിച്ചു വാദിക്കു കൈവശപ്പെടുത്തി കൊടുത്തു. ഇത് 1886 കര്‍ക്കടകം 3-നു 1061 കര്‍ക്കടകം 1-നു വ്യാഴാഴ്ചയും പിറ്റേ രണ്ടു ദിവസങ്ങളിലുമായിട്ടാണ് നടത്തിയത്. മാര്‍ ദീവന്നാസ്യോസ് മെത്രാപ്പോലീത്തായും മാര്‍ അത്താനാസ്യോസ് ശെമവൂന്‍ ബാവായും കര്‍ക്കടകം 3-നു വ്യാഴാഴ്ചയാകുന്ന ശുദ്ധമുള്ള മാര്‍ തോമ്മാ ശ്ലീഹായുടെ പെരുനാള്‍ ദിവസം സെമിനാരിയില്‍ പ്രവേശിച്ചു അവിടെ താമസിച്ചു വരുന്നു. (ഇടവഴിക്കല്‍ ഡയറിയില്‍ നിന്നും)

86 മിഥുനം 12 മലങ്കരയുടെ എ. പെ. പെ. ബ. ആബൂന്‍ മാര്‍ ദിവന്നാസ്യോസു മെത്രാപ്പോലീത്താ തിരുമനസ്സിലെ തിരുമുമ്പാകെ പരിയാരത്തു മാര്‍ അപ്രേം പള്ളി ഇടവകയിലെ യുവജനസംഘം താഴ്മയായി ബോധിപ്പിച്ചുകൊള്ളുന്നതു. തിരുമേനിയെ അപമാനിപ്പാന്‍ പാത്രിയര്‍ക്കീസു ഈ ദിവസങ്ങളില്‍ പള്ളികള്‍ക്കു അയച്ച എഴുത്തു നിമിത്തം അടിയങ്ങള്‍ എത്രയും പരിതപിക്കുന്നു. തിരുമനസ്സുകൊണ്ടു സഭയുടെ ക്ഷേമത്തിനും ഐശ്വര്യത്തിനുമായി പ്രയത്നിക്കുന്ന സകല സംഗതികളിലും അടിയങ്ങള്‍ ചേര്‍ന്നു നില്ക്കയും ദൈവസഹായവും ബലവും ഉണ്ടാകുവാന്‍ സദാ പ്രാര്‍ത്ഥിക്കുകയും ചെയ്യുന്നു. അബ്ദേദ് മശിഹൊ പാത്രിയര്‍ക്കീസ് ബാവായുടെയും മാര്‍ ഈവാനിയോസ്, മാര്‍ യൂലിയോസ് എന്ന തിരുമേനികളുടെയും കല്പനകള്‍ ഇവിടെ വായിക്കയും വന്ദ്യ തിരുമേനികള്‍ക്കു ചിയേഴ്സ് വിളിക്കയും ചെയ്തു. എല്ലാവരും നല്ല അവസാനത്തെ കാണ്മാന്‍ നോക്കിപാര്‍ത്തുമിരിക്കുന്നു. സംഘം സിക്രട്ടെറി പി. എം. നൈനാന്‍ (ഒപ്പ്) (1911-ല്‍ വട്ടശ്ശേരില്‍ തിരുമേനിയെ പാത്രിയര്‍ക്കീസ് മുടക്കിയപ്പോള്‍ തിരുമേനിക്കു പിന്തുണയുമായി തോട്ടയ്ക്കാട് പള്ളിയിലെ യുവജനപ്രസ്ഥാനം അയച്ച കത്ത്. കോട്ടയം ഓര്‍ത്തഡോക്സ് സെമിനാരി ആര്‍ക്കൈവ്സില്‍ നിന്നും ജോയ്സ് തോട്...

വട്ടിപ്പണക്കേസില്‍ തിരുവിതാംകൂര്‍ ഹൈക്കോടതിയുടെ അന്തിമവിധിയിലൂടെ ആത്യന്തിക വിജയം കൈവരിച്ച മലങ്കര മെത്രാപ്പോലീത്താ ഗീവറുഗീസ് മാര്‍ ദീവന്നാസ്യോസിനെ, ആ കേസിലെ തങ്ങളുടെ ലക്ഷ്യം സാധിച്ചു കിട്ടുന്നതിനു വേണ്ടി പാത്രിയര്‍ക്കീസ് പക്ഷം വീണ്ടും കോടതി കയറ്റുകയുണ്ടായി. പാത്രിയര്‍ക്കാ പ്രതിനിധി മാര്‍ യൂലിയോസ് ഏലിയാസിനെക്കൊണ്ട് അദ്ദേഹത്തെ സസ്പെന്‍ഡ് ചെയ്യിക്കുക, അതിന്‍റെ ബലത്തില്‍ ഹര്‍ജി കൊടുത്തുകൊണ്ട് വട്ടിപ്പണപ്പലിശ വാങ്ങുന്നതില്‍ നിന്ന് മെത്രാപ്പോലീത്തായെ തടയുക, ഇതായിരുന്നു അവരുടെ പദ്ധതി. "മലങ്കര യാക്കോബായ സുറിയാനിക്കാരുടെ വൈദിക മേലദ്ധ്യക്ഷന്‍" എന്ന് സ്വയം വിശേഷിപ്പിച്ചുകൊണ്ട് ഏലിയാസ് മാര്‍ യൂലിയോസ് 1104 ചിങ്ങം 2-നു (1928 ഓഗസ്റ്റ് 17-നു) മെത്രാപ്പോലീത്തായെ സസ്പെന്‍ഡ് ചെയ്തുകൊണ്ട് നോട്ടീസ് പുറപ്പെടുവിച്ചു. സസ്പെന്‍ഷന് കാരണം പാത്രിയര്‍ക്കീസിന്‍റെ അധികാരത്തെ നിഷേധിച്ചു, അന്ത്യോഖ്യാ സിംഹാസനത്തിനും, സഭയുടെ വിശ്വാസാചാരങ്ങള്‍ക്കും എതിരായ പല കുറ്റങ്ങളും ചെയ്തു തുടങ്ങിയവയാണ്. (പാത്രിയര്‍ക്കീസിന്‍റെ ലൗകികാധികാരം അംഗീകരിച്ചുള്ള) ഒരു ഉടമ്പടി രണ്ടു ദിവസത്തിനകം അയച്ചുതരണമെന്നും മാര്‍ യൂലിയോസ് നോട്ടീസി...

മാര്‍ ഈവാനിയോസ് ഹദിയള്ളാ കേരളത്തിലെത്തുമ്പോഴുള്ള നസ്രാണികളുടെ സ്ഥിതി പരിശോധിച്ചാല്‍ വളരെ വിചിത്രമായ ഒരു ചിത്രമാണ് കിട്ടുന്നത്. ഉദയംപേരൂര്‍ സുന്നഹദോസിനു മുമ്പ് മലങ്കരസഭ പിന്‍തുടര്‍ന്നു വന്നിരുന്ന നെസ്തോറിയന്‍ വിശ്വാസവും കല്‍ദായ ആചാരങ്ങളും റോമാഭരണകാലത്ത് അവരുടേതായ രീതിയില്‍ ഭേദപ്പെടുത്തിയിരുന്നു. അവയ്ക്കുപരി, ലത്തീന്‍ക്രമങ്ങളും ആചാരങ്ങളും കൂടി അവര്‍ മലങ്കരയില്‍ അവതരിപ്പിച്ചു. ഇവയില്‍ പലതും സുറിയാനിയില്‍ പരിഭാഷപ്പെടുത്തി സുറിയാനിക്രമങ്ങള്‍ എന്ന ഭാവേനയാണ് അവതരിപ്പിച്ചത്. ഒരു നൂറ്റാണ്ടുകാലം റോമാസഭയുടെ കീഴില്‍ വൈദികാഭ്യസനം നടത്തിയ പട്ടക്കാരും അവരിലൂടെ അതു ശീലിച്ച ജനങ്ങളും അനുവര്‍ത്തിച്ചു വന്നിരുന്നത് ഈ സമ്മിശ്ര രൂപമായിരുന്നു. ക്രമീകൃതമായ റോമന്‍ പ്രചാരവേല ഇവയോടുള്ള ആഭിമുഖ്യം ജനങ്ങളില്‍ രൂഡമൂലമാകുന്നതിന് ത്വരകവുമായി. 1653-ല്‍ റോമാബന്ധം വിച്ഛേദിച്ചു സുറിയാനി പാരമ്പര്യത്തിലേയ്ക്ക് മടങ്ങാന്‍ തീരുമാനിച്ചെങ്കിലും അതിന്‍റെ രണ്ടാം ഭാഗം അത്ര സുഗമമായിരുന്നില്ല. ഒന്നാമത് യഥാര്‍ത്ഥ സുറിയാനി പാരമ്പര്യം എന്തെന്നറിയാന്‍ പുസ്തകങ്ങളോ മല്പാന്മാരോ ഉണ്ടായിരുന്നില്ല. നസ്രാണികളാകട്ടെ ഒരു നൂറ്റാണ്ടുകൊണ്ട് അവരുടെ പൂ...

പാലക്കാട് വടക്കഞ്ചേരി പന്നിയങ്കര പറേകുന്നില്‍ കുടുംബത്തിലെ പരേതരായ പി.വി.സക്കറിയയുടെയും, അന്നമ്മ സക്കറിയയുടെയും മകനായി 1955 മാര്‍ച്ച് 30-ന് ജനനം. തേനിടുക്ക് മാര്‍ ഗ്രിഗോറിയോസ് പള്ളിയാണ് മാതൃ ഇടവക. ആയക്കാട് ചാമി അയ്യര്‍ ഹൈസ്കൂളില്‍ നിന്ന് സ്കൂള്‍ വിദ്യാഭ്യാസവും, ആലത്തൂര്‍ എസ്.എന്‍.കോളേജില്‍ നിന്ന് ബിരുദവും നേടി. കേരള സര്‍വ്വകലാശാലയില്‍ നിന്ന് സോഷ്യോളജിയില്‍ ബിരുദാനന്തര ബിരുദം കരസ്ഥമാക്കി. കോട്ടയം ഓര്‍ത്തഡോക്സ് തിയോളജിക്കല്‍ സെമിനാരിയില്‍ നിന്ന് 1978-ല്‍ ഏടഠ യും 1979-ല്‍ ആഉ യും കരസ്ഥമാക്കി. 1990-ല്‍ ജനീവയിലെ ബോസ്സെ എക്യുമിനിക്കല്‍ ഇന്‍സ്റ്റിറ്റ്യൂട്ടില്‍ നിന്ന് എക്യുമിനിക്കല്‍ തിയോളജിയില്‍ ഡിപ്ലോമ നേടി.  1977 മാര്‍ച്ച് 25-ന് യൂഹാനോന്‍ മാര്‍ സേവേറിയോസില്‍ നിന്ന് പഴയ സെമിനാരിയില്‍ വച്ച് ഉപശെമ്മാശപട്ടവും, 1979ഡിസംബര്‍ 9-ന് ജോസഫ് മാര്‍ പക്കോമിയോസില്‍ നിന്ന് വെട്ടിക്കല്‍ ദയറായില്‍ വച്ച് പൂര്‍ണ്ണശെമ്മാശപട്ടവും സ്വീകരിച്ചു, 1980 ജനുവരി 7-ന് യൂഹാനോന്‍ മാര്‍ സേവേറിയോസില്‍ നിന്ന് തേനിടുക്കു മാര്‍ ഗ്രീഗോറിയോസ് പള്ളിയില്‍ വച്ച് കശ്ശീശാപട്ടവും സ്വീകരിച്ചു. പ. ബസേലിയസ് മാര്‍ത്തോമ്മാ ദിദിമോസ് പ്രഥമ...