പ. പാമ്പാടി തിരുമേനി നടത്തിയ പട്ടംകൊട ശുശ്രൂഷകള്‍

1. ഡയറിക്കുറിപ്പുകളില്‍ നിന്നു സമാഹരിച്ചവ

1929 മാര്‍ച്ച് 7 - ദയറായില്‍ വച്ച് ചെറിയമഠത്തില്‍ അന്ത്രയോസ് കത്തനാരുടെ പുത്രന്‍ യാക്കോബ് ശെമ്മാശന് കത്തനാരുപട്ടം കൊടുത്തു. ആദ്യമായി നടത്തിയ പട്ടംകൊട.

1929 മാര്‍ച്ച് 10 - പാറയ്ക്കല്‍ പള്ളി (മീനടം സെന്‍റ് ജോണ്‍സ് പള്ളി). പാറയ്ക്കല്‍ കുറിയാക്കോസിനു പട്ടം കൊടുത്തു. 

1930 ഏപ്രില്‍ 7 - മാളികയില്‍ കുറിയാക്കോസ് ശെമ്മാശന് (പിന്നീട് എം. സി. കുറിയാക്കോസ് റമ്പാന്‍) പൂര്‍ണ്ണ ശെമ്മാശുപട്ടം.

1930 ആഗസ്റ്റ് 3 - പുറകുളത്ത് ഈപ്പന് (പിന്നീട് ഈപ്പന്‍ കോറെപ്പിസ്ക്കോപ്പാ. വടക്കന്‍മണ്ണൂര്‍ പള്ളിയില്‍ ദീര്‍ഘകാലം വികാരിയായിരുന്നു) കോറൂയോ പട്ടം കൊടുത്തു. 

1930 ഡിസംബര്‍ 7 - മാളികയില്‍ ശെമ്മാശന് (പിന്നീട് എം. സി. കുറിയാക്കോസ് റമ്പാന്‍) കത്തനാരുപട്ടം കൊടുത്തു.

1931 നവംബര്‍ 15 - വാകത്താനം പുന്നശ്ശേരി ശെമ്മാശന് പൂര്‍ണ്ണ ശെമ്മാശുപട്ടം കൊടുത്തു.

1931 നവംബര്‍ 29 - പുന്നശേരി ശെമ്മാശന് കത്തനാര്‍ പട്ടവും അഞ്ചേരി വടക്കുംപാടത്ത് ഇട്ടിക്ക് (പിന്നീട് കോറെപ്പിസ്ക്കോപ്പാ. ദീര്‍ഘകാലം പരിയാരം സെന്‍റ് പീറ്റേഴ്സ് പള്ളി വികാരിയായിരുന്നു.) കോറൂയോ പട്ടവും കൊടുത്തു.

1932 ഏപ്രില്‍ 10 - കാനം ശെമ്മാശന്‍, കുറിയാക്കോസ് ശെമ്മാശന്‍, സ്കറിയാ ശെമ്മാശന്‍, ഫിലിപ്പോസ് ശെമ്മാശന്‍ ഇവര്‍ക്ക് യൗപദിയക്കിനോ പട്ടം കൊടുത്തു. 

1932 ഡിസംബര്‍ 25 - കാനം ശെമ്മാശന് കത്തനാരുപട്ടം നല്‍കി.

1933 മാര്‍ച്ച് 12 - കാരുചിറ യാക്കോബ് ശെമ്മാശന് (പിന്നീട് റമ്പാന്‍) കശീശാപട്ടം കൊടുത്തു.

1933 മാര്‍ച്ച് 22 - പേഴമറ്റം കുറിയാക്കോസ് ശെമ്മാശന് (പാമ്പാടി തിരുമേനിയുടെ സഹോദരപുത്രന്‍) പൂര്‍ണ്ണശെമ്മാശുപട്ടം നല്‍കി.

1933 ഏപ്രില്‍ 7 - പേഴമറ്റം കുറിയാക്കോസ് ശെമ്മാശന് കശീശാപട്ടം നല്‍കി.

1933 ഏപ്രില്‍ 28 - മുറിമറ്റത്ത് ശെമ്മാശനു (മുറിമറ്റത്തില്‍ പൗലോസ് പ്രഥമന്‍ ബാവായുടെ സഹോദരപുത്രന്‍) പൂര്‍ണ്ണ ശെമ്മാശുപട്ടം കൊടുത്തു. 

1933 ജൂണ്‍ 4 - ഒറ്റപ്ലാക്കല്‍ ഒ. ജെ. മോസസിന് കോറൂയോപട്ടം കൊടുത്തു. 

1933 ആഗസ്റ്റ് 28 - പന്തനാലില്‍ തൊമ്മിക്ക് കോറൂയോപട്ടം കൊടുത്തു.

1933 ഡിസംബര്‍ 7 (വൃശ്ചികം 22) - തോട്ടയ്ക്കാട് പ്ലാപ്പറമ്പില്‍ കെ. കെ. ജോര്‍ജ്ജിനും തോട്ടയ്ക്കാട് കൈതളാവില്‍ കെ. എം. ജേക്കബിനും ശെമ്മാശുപട്ടം കൊടുത്തു.

1933 ഡിസംബര്‍ 11 - മണ്ണൂപ്പറമ്പില്‍ ജേക്കബിനു ശെമ്മാശുപട്ടം.

1937 ആഗസ്റ്റ് 29 - കാരൂര്‍ ജോണ്‍ ശെമ്മാശനു കത്തനാരുപട്ടം നല്‍കി. 

1937 ഒക്ടോബര്‍ 3 - ഓമല്ലൂര്‍ മുളമൂട്ടില്‍ യോശുവാ ശെമ്മാശനു യൗപദിയക്കിനോ പട്ടം നല്‍കി.

1937 ഒക്ടോബര്‍ 19 - ഇലഞ്ഞിക്കല്‍ ജേക്കബ് ശെമ്മാശനു പൂര്‍ണ്ണശെമ്മാശുപട്ടം കൊടുത്തു.

1938 ജൂണ്‍ 26 - പുത്തൂര്‍ കോശി ശെമ്മാശനു കത്തനാരുപട്ടം നല്‍കി. 

1938 ജൂലൈ 28 - പാറയ്ക്കല്‍ കുറിയാക്കോസ് ശെമ്മാശനു കത്തനാരുപട്ടം നല്‍കി. 

1938 സെപ്റ്റംബര്‍ 10 - മല്ലപ്പള്ളി പയ്യംപള്ളില്‍ ദാവീദ് ശെമ്മാശനു പൂര്‍ണ്ണ ശെമ്മാശുപട്ടം നല്‍കി.

1939 മാര്‍ച്ച് 12 - ചുരുനാട്ടു പുളിക്കീഴില്‍ മാരുമീനത്തേതിനും യാക്കോബ് ശെമ്മാശനും പൂര്‍ണ്ണശെമ്മാശുപട്ടം നല്‍കി. 

1939 മാര്‍ച്ച് 19 - മല്ലപ്പള്ളി വടക്കേടത്ത് തോമസ് ശെമ്മാശനു പൂര്‍ണ്ണശെമ്മാശുപട്ടം കൊടുത്തു.

1939 ജൂലൈ 28 - ഓമല്ലൂര്‍ മുളമൂട്ടില്‍ യോശുവാ ശെമ്മാശനു പൂര്‍ണ്ണശെമ്മാശുപട്ടം നല്‍കി. 

1939 ഒക്ടോബര്‍ 15 - മല്ലപ്പള്ളി വാളക്കുഴി ഗീവര്‍ഗീസ് ശെമ്മാശനു പൂര്‍ണ്ണശെമ്മാശുപട്ടം നല്‍കി. 

1940 ഫെബ്രുവരി 15 - ഓമല്ലൂര്‍ മുളമൂട്ടില്‍ യോശുവാ ശെമ്മാശനു കശീശാപട്ടം നല്‍കി. 

1940 മാര്‍ച്ച് 6 - മണ്ണൂപ്പറമ്പില്‍ ജേക്കബ് ശെമ്മാശനു പൂര്‍ണ്ണ ശെമ്മാശുപട്ടം നല്‍കി. 

1940 മാര്‍ച്ച് 7 - മണ്ണൂപ്പറമ്പില്‍ ജേക്കബ് ശെമ്മാശനു കത്തനാരുപട്ടം നല്‍കി.

1940 ഏപ്രില്‍ 7 - കാരിച്ചാല്‍ താമരവേലില്‍ തോമസ് ശെമ്മാശനു പൂര്‍ണ്ണ ശെമ്മാശുപട്ടം നല്‍കി.

1941 ഫെബ്രുവരി 8 - കൂരോപ്പട സ്കറിയാ ശെമ്മാശനു പൂര്‍ണ്ണ ശെമ്മാശുപട്ടം നല്‍കി.

1941 ഫെബ്രുവരി 9 - കൂരോപ്പട സ്കറിയാ ശെമ്മാശനു കത്തനാരുപട്ടം നല്‍കി.

1946 ജനുവരി 24 - പാമ്പാടികണ്ടം ഗീവറുഗീസ് ശെമ്മാശനു കോറൂയോപട്ടം കൊടുത്തു.

1946 മെയ് 10 - പടിഞ്ഞാറെക്കുറ്റ് ഗീവര്‍ഗീസ് ശെമ്മാശന് പൂര്‍ണ്ണ ശെമ്മാശുപട്ടം നല്‍കി.

1946 മെയ് 11 - പടിഞ്ഞാറെക്കുറ്റ് ഗീവര്‍ഗീസ് ശെമ്മാശന് കത്തനാരുപട്ടം നല്‍കി.

1949 മെയ് 28 - ഓമത്തില്‍ കുറിയാക്കോസിനു (പിന്നീട് ഒ. റ്റി. കുറിയാക്കോസ് കോറെപ്പിസ്ക്കോപ്പാ. വടക്കന്‍മണ്ണൂര്‍ പള്ളി വികാരി.) ശെമ്മാശുപട്ടം നല്‍കി.

1949 ആഗസ്റ്റ് 27 - കന്നുകുഴി ശെമ്മാശനു പൂര്‍ണ്ണ ശെമ്മാശുപട്ടം നല്‍കി.

1949 ഡിസംബര്‍ 23 - മുണ്ടക്കയം പുത്തന്‍പീടികയില്‍ ഏബ്രഹാമിനു കോറൂയോപട്ടം നല്‍കി.

1949 ഡിസംബര്‍ 31 - കന്നുകുഴി ശെമ്മാശനു കത്തനാരുപട്ടം നല്‍കി.

1950 ജനുവരി 29 - ഐക്കരപ്പടവില്‍ ഗീവറുഗീസിന് കോറൂയോപട്ടം നല്‍കി.

1950 ഫെബ്രുവരി 9 - കായംകുളം തോമസ് ശെമ്മാശനു പൂര്‍ണ്ണ ശെമ്മാശുപട്ടം നല്‍കി.

1950 ഫെബ്രുവരി 11 - കായംകുളം തോമസ് ശെമ്മാശനു കശ്ശീശാപട്ടം നല്‍കി.

1950 ഫെബ്രുവരി 15 - പട്ടശ്ശേരില്‍ കുറിയാക്കോസ് ശെമ്മാശനു പൂര്‍ണ്ണ ശെമ്മാശുപട്ടം നല്‍കി.

1950 ഏപ്രില്‍ 6 - ചീരന്‍ ഏബ്രഹാമിനു കോറൂയോ പട്ടം.

1953 മെയ് 7 - കാട്ടകാമ്പാല്‍ സൈമണ്‍ ശെമ്മാശന് കത്തനാരുപട്ടം നല്‍കി.

1957 ഫെബ്രുവരി 2 - ഐക്കരപ്പടവില്‍ ഗീവര്‍ഗീസ് ശെമ്മാശന് പൂര്‍ണ്ണ ശെമ്മാശുപട്ടം.

1957 ജൂലൈ 15 - പോരാളൂര്‍ പുത്തന്‍പുരയില്‍ യോഹന്നാന്‍ ശെമ്മാശനു പൂര്‍ണ്ണ ശെമ്മാശുപട്ടം (പിന്നീട് പി. സി. യോഹന്നാന്‍ റമ്പാന്‍).

1957 സെപ്റ്റംബര്‍ 14 - വെള്ളുക്കുട്ട മാമൂട്ടില്‍ വര്‍ക്കി ശെമ്മാശന് കശീശാപട്ടം.

1958 ജനുവരി 25 - യോഹന്നാന്‍ ശെമ്മാശന് (പി. സി. യോഹന്നാന്‍ റമ്പാന്‍) കശീശാപട്ടം.

- പ്രൊഫ. വിപിന്‍ കെ. വര്‍ഗീസ്

2. സുറിയാനി പട്ടംകൊട പുസ്തകത്തില്‍ നിന്നു സമാഹരിച്ചവ

(ഒന്നാം കാതോലിക്കാ ബാവാ ഉപയോഗിച്ച സുറിയാനി ഭാഷയിലുള്ള പട്ടംകൊട പുസ്തകം ഉപയോഗിച്ച് കൊടുത്ത പട്ടംകൊടകളുടെ ലിസ്റ്റാണിത്. സുറിയാനി ആരാധനക്രമ പുസ്തകങ്ങള്‍ എഴുതിയുണ്ടാക്കി ബൈന്‍ഡ് ചെയ്തു പലര്‍ക്കും സമ്മാനിച്ചിരുന്ന പാമ്പാടി തിരുമേനി, സ്വന്തം കൈപ്പടയില്‍ എഴുതിയ ഒരു പട്ടംകൊട പുസ്തകവും കൂടി ഉപയോഗിച്ചിരുന്നു എന്നു വേണം ഊഹിക്കുവാന്‍. ഡയറിക്കുറിപ്പുകളില്‍ നിന്നു സമാഹരിച്ച പട്ടംകൊട ശുശ്രൂഷകളില്‍ പലതും, പട്ടംകൊട പുസ്തകത്തിലെ ലിസ്റ്റില്‍ കാണുന്നില്ലാത്തത് അവ സ്വന്തം കൈപ്പടയിലുള്ള പുസ്തകം ഉപയോഗിച്ചു നല്‍കിയതിനാലാവാം. സ്വന്തം കൈയക്ഷരത്തിലെഴുതിയ ഈ പട്ടംകൊട പുസ്തകം കണ്ടെത്തിയിട്ടില്ല. 

ജൂലിയന്‍ കലണ്ടര്‍ അനുസരിച്ചുള്ള തീയതികളാണ് ഈ ലിസ്റ്റില്‍ കൊടുത്തിരിക്കുന്നത്. 1953 വരെ ആരാധനാകാലം, ജൂലിയന്‍ കലണ്ടര്‍പ്രകാരമാണ് ക്രമീകരിച്ചിരുന്നത്. 1953-ലെ സ്വര്‍ഗ്ഗാരോഹണപെരുന്നാള്‍ മുതലാണ് സഭ ഗ്രിഗോറിയന്‍ കലണ്ടര്‍ ഉപയോഗിച്ചു തുടങ്ങിയത്. ജൂലിയന്‍ കലണ്ടര്‍ അനുസരിച്ചുള്ള തീയതികള്‍, ഗ്രിഗോറിയന്‍ കലണ്ടര്‍ അനുസരിച്ചുള്ള തീയതികളാക്കുവാന്‍ 13 ദിവസം കൂട്ടുകയാണ് ചെയ്യേണ്ടത്. അപ്രകാരം തയ്യാറാക്കിയ ഗ്രിഗോറിയന്‍ കലണ്ടര്‍പ്രകാരമുള്ള തീയതി ബ്രാക്കറ്റില്‍ കൊടുത്തിരിക്കുന്നു. - എഡിറ്റര്‍)

1929

1. ഫെബ്രുവരി 22 (മാര്‍ച്ച് 7) - ചെറിയമഠത്തില്‍ അലക്സന്ത്രയോസ് കത്തനാരുടെ പുത്രന്‍ ജേക്കബ് മ്ശംശോംനോയ്ക്കു പാമ്പാടി ദയറായില്‍ വച്ച് കശ്ശീശാസ്ഥാനം നല്‍കി (കൊല്ലാട്, മാങ്ങാനം പള്ളികള്‍ക്കുവേണ്ടി). 

2. ഫെബ്രുവരി 25 (മാര്‍ച്ച് 10) - മീനടം പാറയ്ക്കല്‍ മാത്തന്‍റെ പുത്രന്‍ കുറിയാക്കോസ് എന്ന കുട്ടിക്കു കോറൂയോ സ്ഥാനം നല്‍കി (അനീദേ ഞായറാഴ്ച).

3. മാര്‍ച്ച് 25 (ഏപ്രില്‍ 7) - വാകത്താനം മാളിയേക്കല്‍ ജേക്കബിന്‍റെ പുത്രന്‍ കോര എന്ന കുട്ടിക്കു യൗപദ്യക്കിനോ സ്ഥാനം നല്‍കി. 

1930

1. മാര്‍ച്ച് 11 (മാര്‍ച്ച് 24) - തേവലക്കര കുറ്റിയില്‍ ഉമ്മന്‍റെ പുത്രന്‍ കോശി കോറൂയോയ്ക്കു കോട്ടയം പഴയസെമിനാരിയില്‍ വച്ചു മ്ശംശോനോ സ്ഥാനം നല്‍കി. 

2. മാര്‍ച്ച് 11 (മാര്‍ച്ച് 24) - കടമ്പനാട് അമ്പനാട്ടു ജേക്കബിന്‍റെ പുത്രന്‍ തോമസ് കോറൂയോയ്ക്കു കോട്ടയം പഴയസെമിനാരിയില്‍ വച്ചു മ്ശംശോനോ സ്ഥാനം നല്‍കി. 

3. മാര്‍ച്ച് 11 (മാര്‍ച്ച് 24) - കുമ്പനാട് വേലശ്ശേരി ഈശോ കത്തനാരുടെ പുത്രന്‍ മത്തായി കോറൂയോയ്ക്കു കോട്ടയം പഴയസെമിനാരിയില്‍ വച്ചു മ്ശംശോനോ സ്ഥാനം നല്‍കി. 

4. മാര്‍ച്ച് 11 (മാര്‍ച്ച് 24) - കല്ലൂപ്പാറ കിഴക്കേതലയ്ക്കല്‍ മാരേട്ട് ഇട്ടിച്ചാണ്ടിയുടെ പുത്രന്‍ തോമസ് കോറൂയോയ്ക്കു കോട്ടയം പഴയസെമിനാരിയില്‍ വച്ചു മ്ശംശോനോ സ്ഥാനം നല്‍കി. 

5. മാര്‍ച്ച് 25 (ഏപ്രില്‍ 7) - വാകത്താനം മാളിയേക്കല്‍ ജേക്കബിന്‍റെ പുത്രന്‍ കുറിയാക്കോസ് യൗപദ്യക്കിനോയ്ക്കു പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി (വാകത്താനം സെന്‍റ് മേരീസ് പള്ളിക്കുവേണ്ടി). 

6. ജൂലൈ 3 (ജൂലൈ 16) - മാവേലിക്കര പുത്തിരേട്ട് വടക്കേടത്ത് സ്കറിയായുടെ പുത്രന്‍ സ്കറിയാ മ്ശംശോനോയ്ക്കു പാമ്പാടി ദയറായില്‍ വച്ച് കശ്ശീശ്ശാ സ്ഥാനം നല്‍കി (കടമ്പനാട് മാര്‍ ബസേലിയോസ് പള്ളിക്കുവേണ്ടി). 

7. ജൂലൈ 21 (ഓഗസ്റ്റ് 3) - അരീപ്പറമ്പ് പുറകുളത്ത് കുരുവിള ഈപ്പന്‍റെ പുത്രന്‍ ഇയ്യോബ് (ഈപ്പന്‍) എന്ന കുട്ടിക്കു പാമ്പാടി ദയറായില്‍ വച്ചു കോറൂയോ സ്ഥാനം നല്‍കി.

8. 1930 നവംബര്‍ 24 (ഡിസംബര്‍ 7) - വാകത്താനം മാളിയേക്കല്‍ ജേക്കബിന്‍റെ പുത്രന്‍ കുറിയാക്കോസ് മ്ശംശോനോയ്ക്കു പാമ്പാടി ദയറായില്‍ വച്ച് കശീശ്ശാ സ്ഥാനം നല്‍കി.

1931

1. നവംബര്‍ 2 (നവംബര്‍ 15) - വാകത്താനം പുന്നശ്ശേരില്‍ മത്തായിയുടെ പുത്രന്‍ മത്തായി കോറൂയോയ്ക്കു പാമ്പാടി ദയറായില്‍ വച്ചു മ്ശംശോനോ സ്ഥാനം നല്‍കി. 

2. നവംബര്‍ 16 (നവംബര്‍ 29) - വാകത്താനം പുന്നശ്ശേരില്‍ മത്തായിയുടെ പുത്രന്‍ മത്തായി മ്ശംശോനോയ്ക്കു പാമ്പാടി ദയറായില്‍ വച്ച് കശ്ശീശ്ശാ സ്ഥാനം നല്‍കി (വാകത്താനം വെട്ടിക്കുന്നേല്‍ സെന്‍റ് ജോര്‍ജ്ജ് പള്ളിക്കുവേണ്ടി).

3. നവംബര്‍ 16 (നവംബര്‍ 29) - അഞ്ചേരി വടക്കുംപാടത്ത് തോമസിന്‍റെ പുത്രന്‍ ഏബ്രഹാം എന്ന കുട്ടിക്കു പാമ്പാടി ദയറായില്‍ വച്ച് കോറൂയോ സ്ഥാനം നല്‍കി. 

1932

1. മാര്‍ച്ച് 28 (ഏപ്രില്‍ 10) - നെടുമാവ് മൂലക്കര ഏബ്രഹാമിന്‍റെ പുത്രന്‍ കുറിയാക്കോസ് കോറൂയോയ്ക്കു പാമ്പാടി ദയറായില്‍ വച്ച് യൗപദ്യക്കിനോ സ്ഥാനം നല്‍കി. 

2. മാര്‍ച്ച് 28 (ഏപ്രില്‍ 10) - കാനം പറപ്പള്ളിത്താഴെ മത്തായിയുടെ പുത്രന്‍ ജേക്കബ് കോറൂയോയ്ക്കു പാമ്പാടി ദയറായില്‍ വച്ച് യൗപദ്യക്കിനോ സ്ഥാനം നല്‍കി. 

3. മാര്‍ച്ച് 28 (ഏപ്രില്‍ 10) - കോട്ടയം സ്വദേശി കോരയുടെ പുത്രന്‍ ഫിലിപ്പോസ് കോറൂയോയ്ക്കു പാമ്പാടി ദയറായില്‍ വച്ച് യൗപദ്യക്കിനോ സ്ഥാനം നല്‍കി. 

4. മാര്‍ച്ച് 28 (ഏപ്രില്‍ 10) - ചെങ്ങന്നൂര്‍ മോടിക്കല്‍ ജേക്കബിന്‍റെ പുത്രന്‍ സ്കറിയാ കോറൂയോയ്ക്കു പാമ്പാടി ദയറായില്‍ വച്ച് യൗപദ്യക്കിനോ സ്ഥാനം നല്‍കി.

5. ഡിസംബര്‍ 5 (ഡിസംബര്‍ 18) - കാനം പറപ്പള്ളിത്താഴെ മത്തായിയുടെ പുത്രന്‍ ജേക്കബ് യൗപദ്യക്കിനോയ്ക്കു കാനം സെന്‍റ് മേരീസ് പള്ളിയില്‍ വച്ച് മ്ശംശോനോ സ്ഥാനം നല്‍കി.

6. ഡിസംബര്‍ 12 (ഡിസംബര്‍ 25) - കാനം പറപ്പള്ളിത്താഴെ മത്തായിയുടെ പുത്രന്‍ ജേക്കബ് മ്ശംശോനോയ്ക്കു പാമ്പാടി ദയറായില്‍ വച്ച് കശീശ്ശാ സ്ഥാനം നല്‍കി (കാനം സെന്‍റ് മേരീസ് പള്ളിക്കുവേണ്ടി). 

1933

1. ഫെബ്രുവരി 27 (മാര്‍ച്ച് 12) - തൃക്കോതമംഗലം കാരുചിറ ചെറിയാന്‍റെ പുത്രന്‍ ജേക്കബ് മ്ശംശോനോയ്ക്കു പാമ്പാടി ദയറായില്‍ വച്ച് കശീശ്ശാ സ്ഥാനം നല്‍കി (തൃക്കോതമംഗലം സെന്‍റ് ജയിംസ് പള്ളിക്കുവേണ്ടി).

2. മാര്‍ച്ച് 9 (മാര്‍ച്ച് 22) - നെടുമാവ് മൂലക്കര ഏബ്രഹാമിന്‍റെ പുത്രന്‍ കുറിയാക്കോസ് യൗപദ്യക്കിനോയ്ക്കു പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി (പാതിനോമ്പ് ദിവസം). 

3. മാര്‍ച്ച് 25 (ഏപ്രില്‍ 7) - നെടുമാവ് മൂലക്കര ഏബ്രഹാമിന്‍റെ പുത്രന്‍ കുറിയാക്കോസ് മ്ശംശോനോയ്ക്കു നെടുമാവ് സെന്‍റ് പോള്‍സ് പള്ളിയില്‍ വച്ച് കശീശ്ശാസ്ഥാനം നല്‍കി (നെടുമാവ് സെന്‍റ് പോള്‍സ് പള്ളിക്കുവേണ്ടി).

4. ഏപ്രില്‍ 15 (ഏപ്രില്‍ 28) - മുറിമറ്റത്തില്‍ കുര്യന്‍റെ പുത്രന്‍ ഗീവര്‍ഗീസ് മ്ശംശോനോയ്ക്കു കോട്ടയം പഴയസെമിനാരിയില്‍ വച്ച് കശീശ്ശാസ്ഥാനം നല്‍കി (കോലഞ്ചേരി സെന്‍റ് പീറ്റേഴ്സ് & സെന്‍റ് പോള്‍സ് പള്ളിക്കുവേണ്ടി).

5. മെയ് 15 (മെയ് 28) - തോട്ടയ്ക്കാട് പുത്തേട്ടുകടുപ്പില്‍ മാത്തുവിന്‍റെ പുത്രന്‍ ഫിലിപ്പോസ് കോറൂയോയ്ക്കു പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി.

6. ആഗസ്റ്റ് 15 (ഓഗസ്റ്റ് 28) - കങ്ങഴ പന്തനാലില്‍ ജേക്കബിന്‍റെ പുത്രന്‍ തോമസ് എന്ന കുട്ടിക്കു കോറൂയോ സ്ഥാനം നല്‍കി.

7. നവംബര്‍ 24 (ഡിസംബര്‍ 7) - പരിയാരം കൈതളാവില്‍ മാത്തന്‍റെ പുത്രന്‍ ജേക്കബ് എന്ന കുട്ടിക്കു പാമ്പാടി ദയറായില്‍ വച്ചു കോറൂയോ സ്ഥാനം നല്‍കി.

8. നവംബര്‍ 24 (ഡിസംബര്‍ 7) - തോട്ടയ്ക്കാട് വലിയമണ്ണിലായ പ്ലാപ്പറമ്പില്‍ കുര്യന്‍റെ പുത്രന്‍ ഗീവര്‍ഗീസ് എന്ന കുട്ടിക്കു പാമ്പാടി ദയറായില്‍ വച്ചു കോറൂയോ സ്ഥാനം നല്‍കി.

9. നവംബര്‍ 28 (ഡിസംബര്‍ 11) - വാഴൂര്‍ മണ്ണൂപ്പറമ്പില്‍ ഏബ്രഹാമിന്‍റെ പുത്രന്‍ ജേക്കബ് എന്ന കുട്ടിക്കു പാമ്പാടി ദയറായില്‍ വച്ച് കോറൂയോ സ്ഥാനം നല്‍കി. 

1934

1. ജനുവരി 19 (ഫെബ്രുവരി 1) - ളാക്കാട്ടൂര്‍ മുടിയക്കല്‍ കരോട്ട് ചെറിയാന്‍റെ പുത്രന്‍ സ്കറിയാ എന്ന കുട്ടിക്കു പാമ്പാടി ദയറായില്‍ വച്ച് കോറൂയോ സ്ഥാനം നല്‍കി. 

1935

1. ഓഗസ്റ്റ് 6 (ഓഗസ്റ്റ് 19) - കുന്നംകുളം ചുങ്കത്ത് സൈമണിന്‍റെ പുത്രന്‍ ജോസഫ് എന്ന കുട്ടിക്കു കുന്നംകുളം സെന്‍റ് ലാസറസ് പഴയപള്ളിയില്‍ വച്ച് കോറൂയോ സ്ഥാനം നല്‍കി. 

2. നവംബര്‍ 8 (നവംബര്‍ 21) - വാകത്താനം എണ്ണശ്ശേരില്‍ യൂഹാനോന്‍ കത്തനാരുടെ പുത്രന്‍ കുറിയാക്കോസ് എന്ന കുട്ടിക്കു വാകത്താനം മാര്‍ യൂഹാനോന്‍ മാംദാന പള്ളിയില്‍ വച്ച് കോറൂയോ സ്ഥാനം നല്‍കി. 

1936

1. മാര്‍ച്ച് 15 (മാര്‍ച്ച് 28) - പുതുപ്പള്ളി മാടയ്ക്കല്‍ ജോസഫിന്‍റെ പുത്രന്‍ ഇയ്യോബ് കോറൂയോയ്ക്കു പുതുപ്പള്ളി പള്ളിയില്‍ വച്ച് മ്ശംശോനോ സ്ഥാനം നല്‍കി. 

2. മാര്‍ച്ച് 16 (മാര്‍ച്ച് 29) - പുതുപ്പള്ളി മാടയ്ക്കല്‍ ജോസഫിന്‍റെ പുത്രന്‍ ഇയ്യോബ് മ്ശംശോനോയ്ക്കു പുതുപ്പള്ളി പള്ളിയില്‍ വച്ച് കശീശ്ശാ സ്ഥാനം നല്‍കി (പുതുപ്പള്ളി നിലയ്ക്കല്‍ പന്ത്രണ്ടു ശ്ലീഹന്മാരുടെ പള്ളിക്കുവേണ്ടി).

3. മെയ് 30 (ജൂണ്‍ 12) - കൈപ്പട്ടൂര്‍ കൊരമണ്ണത്തുമാലില്‍ ജോണിന്‍റെ പുത്രന്‍ മത്തായി എന്ന കുട്ടിക്കു പാമ്പാടി ദയറായില്‍ വച്ച് കോറൂയോ സ്ഥാനം നല്‍കി.

4. ജൂലൈ 3 (ജൂലൈ 16) - നിരണം വേങ്കലില്‍ ഇട്ടിച്ചാണ്ടിയുടെ പുത്രന്‍ പുന്നൂസ് മ്സമ്രോനോയ്ക്ക് പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി.

5. സെപ്റ്റംബര്‍ 14 (സെപ്റ്റംബര്‍ 27) - വാകത്താനം മാളിയേക്കല്‍ ജേക്കബിന്‍റെ പുത്രന്‍ കുറിയാക്കോസ് കത്തനാര്‍ക്കു പാത്താമുട്ടം സ്ലീബാ പള്ളിയില്‍ വച്ച് റമ്പാന്‍ സ്ഥാനം നല്‍കി. 

6. ഒക്ടോബര്‍ 11 (ഒക്ടോബര്‍ 24) - കോതമംഗലം കവുങ്ങപ്പിള്ളില്‍ കുര്യന്‍റെ പുത്രന്‍ ജോസഫ് എന്ന കുട്ടിക്കു കോട്ടയം പഴയസെമിനാരിയില്‍ വച്ച് കോറൂയോ സ്ഥാനം നല്‍കി. 

1937

1. ജൂലൈ 15 (ജൂലൈ 28) - മീനടം പാറയ്ക്കല്‍ മാത്തന്‍റെ പുത്രന്‍ കുറിയാക്കോസ് കോറൂയോയ്ക്കു മ്ശംശോനോ സ്ഥാനം നല്‍കി.

2. ജൂലൈ 15 (ജൂലൈ 28) - മാവേലിക്കര നാടാവള്ളില്‍ ഗീവര്‍ഗീസിന്‍റെ പുത്രന്‍ കുര്യനു കോറൂയോസ്ഥാനം നല്‍കി. 

3. സെപ്റ്റംബര്‍ 5 (സെപ്റ്റംബര്‍ 18) - നിരണം ഇലഞ്ഞിക്കല്‍ പെരുമാളിന്‍റെ പുത്രന്‍ ജേക്കബ് യൗപദ്യക്കിനോയ്ക്കു പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി.

4. സെപ്റ്റംബര്‍ 23 (ഒക്ടോബര്‍ 6) - ഓമല്ലൂര്‍ മുളമൂട്ടില്‍ തോമസ് കത്തനാരുടെ പുത്രന്‍ ഈശോ കോറൂയോയ്ക്കു പാമ്പാടി ദയറായില്‍ വച്ച് യൗപദ്യക്കിനോ സ്ഥാനം നല്‍കി.

1938

1. ജൂണ്‍ 13 (ജൂണ്‍ 26) - പുത്തൂര്‍ കിനാറ്റിന കോശിയുടെ പുത്രന്‍ കോശി മ്ശംശോനോയ്ക്കു പരുമല സെമിനാരി പള്ളിയില്‍ വച്ച് കശീശ്ശാ സ്ഥാനം നല്‍കി (പുത്തൂര്‍ സെന്‍റ് ജോര്‍ജ് പള്ളിക്കുവേണ്ടി).

2. ജൂണ്‍ 15 (ജൂണ്‍ 28) - മീനടം പാറയ്ക്കല്‍ മാത്തന്‍റെ പുത്രന്‍ കുറിയാക്കോസ് മ്ശംശോനോയ്ക്കു പാമ്പാടി ദയറായില്‍വച്ച് കശീശ്ശാ സ്ഥാനം നല്‍കി (മീനടം യൂഹാനോന്‍ മാംദാന പള്ളിക്കുവേണ്ടി).

3. ഓഗസ്റ്റ് 28 (സെപ്റ്റംബര്‍ 10) - മല്ലപ്പള്ളി പയ്യമ്പള്ളില്‍ ഗീവര്‍ഗീസിന്‍റെ പുത്രന്‍ ദാവീദ് കോറൂയോയ്ക്കു പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി.

4. സെപ്റ്റംബര്‍ 25 (ഒക്ടോബര്‍ 8) - കാരിച്ചാല്‍ പുത്തന്‍പറമ്പില്‍ ഗീവര്‍ഗീസിന്‍റെ പുത്രന്‍ ജേക്കബ് യൗപദ്യക്കിനോയ്ക്കു മ്ശംശോനോ സ്ഥാനം നല്‍കി.

1939

1. ഫെബ്രുവരി 28 (മാര്‍ച്ച് 13) - ശൂരനാട് മിനത്തേതില്‍ ഗീവര്‍ഗീസിന്‍റെ പുത്രന്‍ ജേക്കബ് കോറൂയോയ്ക്കു പാമ്പാടി ദയറായില്‍ വച്ചു മ്ശംശോനോ സ്ഥാനം നല്‍കി.

2. മാര്‍ച്ച് 6 (മാര്‍ച്ച് 19) - മല്ലപ്പള്ളി വടക്കേടത്ത് ഐസക്കിന്‍റെ പുത്രന്‍ തോമസ് കോറൂയോയ്ക്കു കുന്നന്താനം സെന്‍റ് ജോര്‍ജ്ജ് പള്ളിയില്‍ വച്ച് മ്ശംശോനോ സ്ഥാനം നല്‍കി.

3. ജൂലൈ 15 (ജൂലൈ 28) - ഓമല്ലൂര്‍ മുളമൂട്ടില്‍ തോമസ് കത്തനാരുടെ പുത്രന്‍ ഈശോ യൗപദ്യക്കിനോയ്ക്കു പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി.

4. സെപ്റ്റംബര്‍ 30 (ഒക്ടോബര്‍ 13) - മല്ലപ്പള്ളി വാളക്കുഴിയില്‍ ചെറിയാന്‍റെ പുത്രന്‍ ഗീവര്‍ഗീസ് കോറൂയോയ്ക്കു പാമ്പാടി ദയറായില്‍ വച്ചു മ്ശംശോനോ സ്ഥാനം നല്‍കി. 

1940

1. ഫെബ്രുവരി 2 (ഫെബ്രുവരി 15) - ഓമല്ലൂര്‍ മുളമൂട്ടില്‍ തോമസ് കത്തനാരുടെ പുത്രന്‍ ഈശോ മ്ശംശോനോയ്ക്കു ചേന്നങ്കരി സെന്‍റ് തോമസ് പള്ളിയില്‍ വച്ച് കശീശ്ശാസ്ഥാനം നല്‍കി (ഓമല്ലൂര്‍ സെന്‍റ് തോമസ് പള്ളിക്കുവേണ്ടി).

2. ഫെബ്രുവരി 13 (ഫെബ്രുവരി 26) - മണ്ണൂപ്പറമ്പില്‍ ഏബ്രഹാമിന്‍റെ പുത്രന്‍ ജേക്കബ് കോറൂയോയ്ക്കു പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി. 

3. ഫെബ്രുവരി 24 (മാര്‍ച്ച് 8) - മണ്ണൂപ്പറമ്പില്‍ ഏബ്രഹാമിന്‍റെ പുത്രന്‍ ജേക്കബ് മ്ശംശോനോയ്ക്കു  വാഴൂര്‍ സെന്‍റ് പീറ്റേഴ്സ് പള്ളിയില്‍ വച്ച് കശീശ്ശാ സ്ഥാനം നല്‍കി.

4. മാര്‍ച്ച് 25 (ഏപ്രില്‍ 7) - കാരിച്ചാല്‍ താംത്തുവള്ളില്‍ മത്തായിയുടെ മകന്‍ തോമസ് കോറൂയോയ്ക്കു കാരിച്ചാല്‍ സെന്‍റ് ജോര്‍ജ്ജ് പള്ളിയില്‍ വച്ച് മ്ശംശോനോ സ്ഥാനം നല്‍കി.

5. മെയ് 15 (മെയ് 28) - പാമ്പാടികണ്ടത്തില്‍ കുറിയാക്കോസ് കത്തനാരുടെ പുത്രന്‍ ഗീവര്‍ഗീസിന് പാമ്പാടി ദയറായില്‍ വച്ച് കോറൂയോ സ്ഥാനം നല്‍കി. 

6. ജൂലൈ 15 (ജൂലൈ 28) - വരവൂര്‍ മത്തായിയുടെ പുത്രനും പത്തനാപുരം താബോര്‍ ദയറാംഗവുമായ ഗീവര്‍ഗീസ് മ്ശംശോനോയ്ക്കു പാമ്പാടി ദയറായില്‍ വച്ച് കശീശ്ശാ സ്ഥാനം നല്‍കി (പത്തനാപുരം താബോര്‍ ദയറായ്ക്കുവേണ്ടി).

1941

1. ജനുവരി 15 (ജനുവരി 28) - മാരാമണ്‍ കാവാലത്തില്‍ കോര തോമസിന്‍റെ പുത്രന്‍ ഗീവര്‍ഗീസ് കോറൂയോയ്ക്കു പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി.

2. ജനുവരി 26 (ഫെബ്രുവരി 8) - ളാക്കാട്ടൂര്‍ ചോകോന്‍പറമ്പില്‍ ചെറിയാന്‍റെ പുത്രന്‍  സ്കറിയാ കോറൂയോയ്ക്കു പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി. 

3. ജനുവരി 27 (ഫെബ്രുവരി 9) - ളാക്കാട്ടൂര്‍ ചോകോന്‍പറമ്പില്‍ ചെറിയാന്‍റെ പുത്രന്‍ സ്കറിയാ മ്ശംശോനോയ്ക്കു പാമ്പാടി ദയറായില്‍ വച്ച് കശീശ്ശാ സ്ഥാനം നല്‍കി. 

4. ഏപ്രില്‍ 11 (ഏപ്രില്‍ 24) - പറക്കോട് കടവിനാല്‍ കോശിയുടെ പുത്രന്‍ തോമസ് കോറൂയോയ്ക്കു പള്ളം പള്ളിയില്‍ വച്ച് മ്ശംശോനോ സ്ഥാനം നല്‍കി.

5. ഏപ്രില്‍ 12 (ഏപ്രില്‍ 25) -  പറക്കോട് കടവിനാല്‍ കോശിയുടെ പുത്രന്‍ തോമസ് മ്ശംശോനോയ്ക്കു വെണ്ണിക്കുളം പള്ളിയില്‍ വച്ച് കശീശ്ശാ സ്ഥാനം നല്‍കി (പറക്കോട് സെന്‍റ് പീറ്റേഴ്സ് & സെന്‍റ് പോള്‍സ് പള്ളിക്കുവേണ്ടി).

1942

1. ജനുവരി 21 (ഫെബ്രുവരി 3) - നെടുമ്പ്രം വാലയില്‍ ഗീവര്‍ഗീസ് കത്തനാരുടെ പുത്രന്‍ അലക്സന്ത്രയോസ് എന്ന കുട്ടിക്കു പാമ്പാടി ദയറായില്‍ വച്ച് മ്സമ്രോനോ സ്ഥാനം നല്‍കി.

2. നവംബര്‍ 8 (നവംബര്‍ 21) - പുതുപ്പള്ളി പടിഞ്ഞാറേക്കുറ്റ് ഏബ്രഹാം കത്തനാരുടെ പുത്രന്‍ ഗീവര്‍ഗീസ് എന്ന യുവാവിനു പാമ്പാടി ദയറായില്‍ വച്ച് കോറൂയോ സ്ഥാനം നല്‍കി. 

1943

1. ഫെബ്രുവരി 28 (മാര്‍ച്ച് 13) - മല്ലപ്പള്ളി പയ്യമ്പള്ളില്‍ ഏബ്രഹാമിന്‍റെ പുത്രന്‍ ഏബ്രഹാം കോറൂയോയ്ക്കു മല്ലപ്പള്ളി മാര്‍ യൂഹാനോന്‍ മാംദാനാ പള്ളിയില്‍ വച്ച് മ്ശംശോനോ സ്ഥാനം നല്‍കി.

2. ഒക്ടോബര്‍ 11 (ഒക്ടോബര്‍ 24) - പരിയാരം കൈതളാവില്‍ മാത്തന്‍റെ പുത്രന്‍ ജേക്കബ് കോറൂയോയ്ക്കു കുഴിമറ്റം സെന്‍റ് ജോര്‍ജ്ജ് പള്ളിയില്‍ വച്ച് മ്ശംശോനോ സ്ഥാനം നല്‍കി. 

3. ഡിസംബര്‍ 29 (1944 ജനുവരി 11) - വാകത്താനം പള്ളിയടിയില്‍ പുന്നൂസിന്‍റെ പുത്രന്‍ ഫിലിപ്പോസ് കോറൂയോയ്ക്കു പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി.

1944

1. ഫെബ്രുവരി 2 (ഫെബ്രുവരി 15) - തവല്‍പുരം മറ്റാത്തോ ഡേവിഡിന്‍റെ പുത്രന്‍ ഗീവര്‍ഗീസ് മ്സമ്രോനോയ്ക്കു അഞ്ചേരി പള്ളിയില്‍ വച്ച്  മ്ശംശോനോ സ്ഥാനം നല്‍കി.

2. മാര്‍ച്ച് 6 (മാര്‍ച്ച് 19) - പരിയാരം കൈതളാവില്‍ മാത്തന്‍റെ പുത്രന്‍ ജേക്കബ് മ്ശംശോനോയ്ക്കു പരിയാരം മാര്‍ അപ്രേം പള്ളിയില്‍ വച്ച് കശ്ശീശാ സ്ഥാനം നല്‍കി (പരിയാരം മാര്‍ അപ്രേം പള്ളിക്കുവേണ്ടി).

3. ഏപ്രില്‍ 16 (ഏപ്രില്‍ 29) - ചെങ്ങന്നൂര്‍ കാക്കാല ഈപ്പന്‍റെ പുത്രന്‍ അലക്സന്ത്രയോസ് മ്ശംശോനോയ്ക്കു പാമ്പാടി ദയറായില്‍ വച്ച് കശ്ശീശ്ശാ സ്ഥാനം നല്‍കി (ചെങ്ങന്നൂര്‍ വി. ദൈവമാതാവിന്‍റെ പള്ളിക്കുവേണ്ടി).

4. മെയ് 12 (മെയ് 25) - പരിയാരം അഞ്ചേരി വടക്കുംപാടത്ത് തോമസിന്‍റെ പുത്രന്‍ ഏബ്രഹാം കോറൂയോയ്ക്കു പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി.

5. മെയ് 15 (മെയ് 28) - പരിയാരം അഞ്ചേരി വടക്കുംപാടത്ത് തോമസിന്‍റെ പുത്രന്‍ ഏബ്രഹാം മ്ശംശോനോയ്ക്കു പുതുപ്പള്ളി സെന്‍റ് ജോര്‍ജ്ജ് പള്ളിയില്‍ വച്ച് കശീശ്ശാ സ്ഥാനം നല്‍കി (അഞ്ചേരി സെന്‍റ് പീറ്റേഴ്സ് പള്ളിക്കുവേണ്ടി).

1946

1. ഏപ്രില്‍ 27 (മാര്‍ച്ച് 10) - പുതുപ്പള്ളി പടിഞ്ഞാറേക്കുറ്റ് ഏബ്രഹാം കത്തനാരുടെ പുത്രന്‍ ഗീവര്‍ഗീസ് കോറൂയോയ്ക്കു മ്ശംശോനോ സ്ഥാനം നല്‍കി.

2. ഏപ്രില്‍ 28 (മാര്‍ച്ച് 11) - പുതുപ്പള്ളി പടിഞ്ഞാറേക്കുറ്റ് ഏബ്രഹാം കത്തനാരുടെ പുത്രന്‍ ഗീവര്‍ഗീസ് മ്ശംശോനോയ്ക്കു പാമ്പാടി ദയറായില്‍ വച്ച് കശീശ്ശാ സ്ഥാനം നല്‍കി. 

3. ഡിസംബര്‍ 23 (1947 ജനുവരി 5) - കങ്ങഴ പന്തനാലില്‍ യാക്കോബിന്‍റെ പുത്രന്‍ തോമസ് കോറൂയോയ്ക്കു മ്ശംശോനോ സ്ഥാനം നല്‍കി.

4. ഡിസംബര്‍ 24 (1947 ജനുവരി 6) - കങ്ങഴ പന്തനാലില്‍ യാക്കോബിന്‍റെ പുത്രന്‍  തോമസ് മ്ശംശോനോയ്ക്കു കശീശ്ശാ സ്ഥാനം നല്‍കി (കങ്ങഴ സെന്‍റ് തോമസ് പള്ളിക്കുവേണ്ടി).

1947

1. മെയ് 21 (ജൂണ്‍ 3) - പാമ്പാടികണ്ടത്തില്‍ കുറിയാക്കോസ് കത്തനാരുടെ പുത്രന്‍ ഗീവര്‍ഗീസ് കോറൂയോയ്ക്കു മ്ശംശോനോ സ്ഥാനം നല്‍കി.

2. മെയ് 22 (ജൂണ്‍ 4) - പാമ്പാടികണ്ടത്തില്‍ കുറിയാക്കോസ് കത്തനാരുടെ പുത്രന്‍ ഗീവര്‍ഗീസ് മ്ശംശോനോയ്ക്കു പാമ്പാടി ദയറായില്‍ വച്ച് കശീശ്ശാ സ്ഥാനം നല്‍കി (പാമ്പാടി മാര്‍ യൂഹാനോന്‍ മാംദാനാ പള്ളിക്കു വേണ്ടി).

3. ഓഗസ്റ്റ് 10 (ഓഗസ്റ്റ് 23) - വാകത്താനം എണ്ണശ്ശേരില്‍ യൂഹാനോന്‍ കത്തനാരുടെ പുത്രന്‍ കുറിയാക്കോസ് കോറൂയോയ്ക്കു മ്ശംശോനോ സ്ഥാനം നല്‍കി.

4. ഓഗസ്റ്റ് 11 (ഓഗസ്റ്റ് 24) - വാകത്താനം എണ്ണശ്ശേരില്‍ യൂഹാനോന്‍ കത്തനാരുടെ പുത്രന്‍ കുറിയാക്കോസ് ശംശോനോയ്ക്ക് കശീശ്ശാ സ്ഥാനം നല്‍കി (വാകത്താനം മാര്‍ യൂഹാനോന്‍ മാംദാനാ പള്ളിക്കു വേണ്ടി).

5. ഡിസംബര്‍ 26 (1948 ജനുവരി 8) - കഞ്ഞിക്കുഴി പായിക്കാട്ട് ജേക്കബിന്‍റെ പുത്രന്‍ ഗീവര്‍ഗീസിനു കോറൂയോ സ്ഥാനം പാമ്പാടി ദയറായില്‍ വച്ച് നല്‍കി. 

1948

1. മാര്‍ച്ച് 25 (ഏപ്രില്‍ 7) - വടക്കന്‍മണ്ണൂര്‍ പുറകുളത്ത് കുരുവിള ഈപ്പന്‍റെ പുത്രന്‍ ഇയ്യോബ് (ഈപ്പന്‍) മ്ശംശോനോയ്ക്ക് വടക്കന്‍മണ്ണൂര്‍ സെന്‍റ് തോമസ് പള്ളിയില്‍ വച്ച് കശീശ്ശാ സ്ഥാനം നല്‍കി (വടക്കന്‍മണ്ണൂര്‍ പള്ളിക്കുവേണ്ടി).

2. മെയ് 10 (മെയ് 23) - പള്ളം ചേരിയില്‍ കുര്യന്‍റെ പുത്രന്‍ തോമസിനു കോറൂയോ സ്ഥാനം നല്‍കി. 

1949

1. മെയ് 15 (മെയ് 28) - വടക്കന്‍മണ്ണൂര്‍ ഓമത്തില്‍ തോമസിന്‍റെ പുത്രന്‍ കുറിയാക്കോസിന് കോറൂയോ സ്ഥാനം നല്‍കി. 

2. ജൂണ്‍ 4 (ജൂണ്‍ 17) - നിരണം മട്ടയ്ക്കല്‍ അലക്സന്ത്രയോസ് കത്തനാരുടെ പുത്രന്‍ ഗീവര്‍ഗീസ് കോറൂയോയ്ക്കു പാമ്പാടി ദയറായില്‍ വച്ച് യൗപദ്യക്കിനോ സ്ഥാനം നല്‍കി.

3. ഓഗസ്റ്റ് 14 (ഓഗസ്റ്റ് 27) - കഞ്ഞിക്കുഴി പായിക്കാട്ട് ജേക്കബിന്‍റെ പുത്രന്‍ ഗീവര്‍ഗീസ് കോറൂയോയ്ക്കു പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി.

4. ഓഗസ്റ്റ് 15 (ഓഗസ്റ്റ് 28) - കീക്കൊഴൂര്‍ മഠത്തേത്ത് തോമസിന്‍റെ മകന്‍ മത്തായിക്ക് പാമ്പാടി ദയറായില്‍ വച്ച് കോറൂയോ സ്ഥാനം നല്‍കി. 

5. ഓഗസ്റ്റ് 15 (ഓഗസ്റ്റ് 28) - പ്രക്കാനം വെട്ടിക്കൂട്ടത്തില്‍ തോമസിന്‍റെ മകന്‍ തോമസിന് പാമ്പാടി ദയറായില്‍ വച്ച് കോറൂയോ സ്ഥാനം നല്‍കി. 

6. ഡിസംബര്‍ 10 (ഡിസംബര്‍ 23) - മുണ്ടക്കയം പുത്തന്‍പീടികയില്‍ മത്തായിയുടെ മകന്‍ ഏബ്രഹാമിന് പാമ്പാടി ദയറായില്‍ വച്ച് കോറൂയോ സ്ഥാനം നല്‍കി. 

7. ഡിസംബര്‍ 11 (ഡിസംബര്‍ 24) - കഞ്ഞിക്കുഴി പായിക്കാട്ട് ജേക്കബിന്‍റെ പുത്രന്‍ ഗീവര്‍ഗീസ് മ്ശംശോനോയ്ക്കു പാമ്പാടി ദയറായില്‍ വച്ച് കശ്ശീശാ സ്ഥാനം നല്‍കി.  

1950

1. ജനുവരി 22 (ഫെബ്രുവരി 4) -  മുണ്ടക്കയം പുത്തന്‍പീടികയില്‍ മത്തായിയുടെ മകന്‍ ഏബ്രഹാം കോറൂയോയ്ക്ക് മ്ശംശോനോ സ്ഥാനം നല്‍കി. 

2. ജനുവരി 28 (ഫെബ്രുവരി 10) - കുണ്ടറ പരുത്തിമൂട്ടില്‍ ജേക്കബിന്‍റെ പുത്രന്‍ തോമസ് യൗപദ്യക്കിനോയ്ക്കു പാമ്പാടി ദയറായില്‍ വച്ച് മ്ശംശോനോ സ്ഥാനം നല്‍കി.

3. ജനുവരി 29 (ഫെബ്രുവരി 11) - കുണ്ടറ പരുത്തിമൂട്ടില്‍ ജേക്കബിന്‍റെ പുത്രന്‍ തോമസ്  മ്ശംശോനോയ്ക്കു പാമ്പാടി ദയറായില്‍ വച്ച് കശ്ശീശാ സ്ഥാനം നല്‍കി (കായംകുളം പള്ളിക്കുവേണ്ടി).

4. ഫെബ്രുവരി 2 (ഫെബ്രുവരി 15) - കുഴിമറ്റം പട്ടശ്ശേരില്‍ വാഴച്ചിറ മത്തായിയുടെ മകന്‍ കുറിയാക്കോസ് കോറൂയോയ്ക്ക് മ്ശംശോനോ സ്ഥാനം നല്‍കി. 

5. മാര്‍ച്ച് 24 (ഏപ്രില്‍ 6) - പഴഞ്ഞി ചീരന്‍ ഗീവര്‍ഗീസിന്‍റെ പുത്രന്‍ ഏബ്രഹാം എന്ന കുട്ടിക്കു കോറൂയോ സ്ഥാനം നല്‍കി.

6. മാര്‍ച്ച് 25 (ഏപ്രില്‍ 7) - മുണ്ടക്കയം പുത്തന്‍പീടികയില്‍ മത്തായിയുടെ മകന്‍ ഏബ്രഹാം മ്ശംശോനോയ്ക്കു പാമ്പാടി ദയറായില്‍ വച്ച് കശീശ്ശാ സ്ഥാനം നല്‍കി (മുണ്ടക്കയം സെന്‍റ് തോമസ് പള്ളിക്കുവേണ്ടി).

7. നവംബര്‍ 14 (നവംബര്‍ 27) - നാലുന്നാക്കല്‍ കരിപ്പാല്‍ സ്കറിയായുടെ പുത്രന്‍ മാത്തു എന്ന കുട്ടിക്കു കോറൂയോ സ്ഥാനം നല്‍കി. 

3. കൂദാശകള്‍

1. 1929 ഫെബ്രുവരി 24 (മാര്‍ച്ച് 9) - കങ്ങഴ സെന്‍റ് തോമസ് പള്ളി കൂദാശ.

2. 1935 ജനുവരി 1 (ജനുവരി 14) - മാന്നാനം (?) സെന്‍റ് പീറ്റേഴ്സ് & സെന്‍റ് പോള്‍സ് പള്ളി കൂദാശ.

3. 1940 ജനുവരി 8 (ജനുവരി 21) - വി. യോഹന്നാന്‍ ശ്ലീഹായുടെ നാമത്തില്‍ ദേവാലയത്തിനു കല്ലിടീല്‍ ശുശ്രൂഷ നിര്‍വഹിച്ചു. 

4. 1944 ഏപ്രില്‍ 10 (ഏപ്രില്‍ 23) - കൊല്ലാട് സെന്‍റ് പോള്‍സ് പള്ളി കൂദാശ നിര്‍വഹിച്ചു. 

5. 1947 ജൂണ്‍ 29 (ജൂലൈ 12) - കോത്തലയില്‍ പന്ത്രണ്ടു ശ്ലീഹന്മാരുടെ നാമത്തിലുള്ള ദേവാലയത്തിനു കല്ലിടീല്‍ ശുശ്രൂഷ നിര്‍വഹിച്ചു.

സമ്പാദകന്‍: ഡീക്കന്‍ ഇയ്യോബ് (ബഥനി ആശ്രമം) 

തയ്യാറാക്കിയത്: ജോയ്സ് തോട്ടയ്ക്കാട്