മുളയിരിക്കല്‍ പൗലോസ് മാര്‍ സേവേറിയോസ് മെത്രാപ്പോലീത്താ | ഫാ. ജോസഫ് കാരക്കാട്ട്
ജനനം, വിദ്യാഭ്യാസം, പൗരോഹിത്യം അചഞ്ചലമായ വിശ്വാസം, ഭക്തിജീവിതം, അതിഥി സല്‍ക്കാരപ്രിയം, അഭിപ്രായദൃഢത, ആത്മധൈര്യം, ലളിതജീവിതം, ദീര്‍ഘവീക്ഷണം, കര്‍മ്മനിരത, കലാസ്വാദനം, സര്‍വ്വോപരി സ്ഥിരോത്സാഹം എന്നീ വിശിഷ്ട ഗുണങ്ങളുടെ ഉടമയായിരുന്നു കൊച്ചി ഭദ്രാസനത്തിന്‍റെ ദ്വിതീയ മെത്രാപ്പോലീത്താ മുളയിരിക്കല്‍ പൗലോസ് മാര്‍ സേവേറിയോസ്. വടക്കന്‍ പറവൂരടുത്ത് ചെറായി സെന്‍റ് മേരീസ് വലിയപ്പള്ളി ഇടവകയില്‍ മുളയിരിക്കല്‍ കുഞ്ഞിട്ടൂപ്പിന്‍റെയും എളച്ചി (നെടുമ്പാശ്ശേരിയില്‍ വല്ലത്തുകാരന്‍ കുടുംബാംഗം) യുടെയും ഇളയ പുത്രനായി 1910 നവംബര്‍ 6-നു ജനിച്ചു. 'കുഞ്ഞ്' എന്ന ഓമനപ്പേരിലായിരുന്നു അദ്ദേഹം കുട്ടിക്കാലത്ത് അറിയപ്പെട്ടിരുന്നത്. ബാല്യത്തില്‍ കായിക വിനോദങ്ങളില്‍ മികവു തെളിയിച്ച അദ്ദേഹം തന്‍റെ സഹപ്രായക്കാരായ കൂട്ടുകാരുടെ നേതൃസ്ഥാനത്തിനര്‍ഹനായിത്തീര്‍ന്നു. ആറാമത്തെ വയസ്സില്‍ വിദ്യാഭ്യാസം അരംഭിച്ചു. 'കുഞ്ഞിപൌലോ' എന്നായിരുന്നു സ്കൂളിലെ പേര്. ചെറുപ്പം മുതലേ ദേവാലയത്തിലും ദേവാലയ ശുശ്രൂഷാദികളിലും തികഞ്ഞ ശ്രദ്ധാലുവും തത്പരനുമായിരുന്നു. സണ്ടേസ്കൂള്‍ വിദ്യാര്‍ത്ഥിയായിരുന്ന കാലത്തു തന്നെ ബാലസമാജം സ്ഥാപിച്ച് അതിന്‍റ...