Malankara Church History

1051 (1876) കുംഭം 23-ാം തീയതി മഹാരാജാവിന്‍റെ വിളംബരം താഴെ കാണുംവിധം പുറപ്പെട്ടു: ശ്രീപത്മനാഭദാസ വഞ്ചിബാലരാമവര്‍മ്മ കുലശേഖരകിരീടപതി മന്നെ സുല്‍ത്താന്‍ മഹാരാജരാജ രാമരാജ ബഹദൂര്‍ ജംഗനൈറ്റ് ഗ്രാന്‍ഡ് കമാണ്ട് ഓഫ് ദി മോസ്റ്റ് എക്സാര്‍ട്ടഡ് ആഡര്‍ ഓഫ് ദി സ്റ്റാര്‍ ഓഫ് ഇന്ത്യാ മഹാരാജാ അവര്‍കള്‍ സകലമാന പേര്‍ക്കും പ്രസിദ്ധപ്പെടുത്തുന്ന വിളംബരം ആന്‍റിയോക്കില്‍ നിന്ന് എഴുത്തു വന്നതുകൊണ്ട് മാര്‍ അത്തനേഷ്യസ്സിനെ സിറിയന്‍ പള്ളിയില്‍ മെത്രാന്‍ സ്ഥാനത്തേക്കു നിയമിച്ചിട്ടുള്ളതായി 1027-മാണ്ട് കര്‍ക്കിടക മാസം 15-ാം തീയ്യതി ഉണ്ടായ വിളംബരത്തില്‍ പ്രസിദ്ധപ്പെടുത്തിയിട്ടുള്ളതുകൊണ്ടും ആന്‍റിയോക്കിലെ ഇപ്പോഴത്തെ പേട്രിയാര്‍ക്കോ പേട്രിയാര്‍ക്കിന്‍റെ പൂര്‍വികനോ മേല്‍പ്പറഞ്ഞ മാര്‍ അത്തനേഷ്യസിനെ സ്ഥാനത്തില്‍ നിന്നും മാറ്റി മറ്റൊരു മെത്രാനെ നിയമിച്ചിരിക്കുന്നതായി വാദിക്കുന്നതായി അറിയുന്നതുകൊണ്ടും ഇതില്‍ സംബന്ധമുള്ള സകലമാനപേരെയും ഇതിനാല്‍ അറിയപ്പെടുത്തുന്നതെന്തെന്നാല്‍,  ഏതെങ്കിലും പള്ളികളുടെയോ അവയില്‍ ചേര്‍ന്നിട്ടുള്ള വസ്തുവിന്‍റെ ഉടമസ്ഥതയേയോ അവയിലേക്കുള്ള അവകാശങ്ങളെയോ അല്ലെങ്കില്‍ തല്‍സംബന്ധികളായ...

പുലിക്കോട്ട് മാര്‍ ദീവന്നാസ്യോസ് മെത്രാപ്പോലീത്താ 1042-മാണ്ട് മീന മാസം മുതല്‍ കോട്ടയം മുതലായി തെക്കുള്ള ഏതാനും പള്ളികളില്‍ സഞ്ചരിച്ച് വരികയില്‍ സുറിയാനി സഭയിലെ മര്യാദപോലെ അല്ലാതെ ചില തെറ്റുകള്‍ ഏതാനും പള്ളികളില്‍ പാലക്കുന്നത്തു മാര്‍ അത്താനാസ്യോസ് മെത്രാപ്പോലീത്തായുടെ കല്പനപ്രകാരം നടക്കുന്നതിനെ അറിഞ്ഞു മനസ്താപപ്പെട്ട് ജനങ്ങളോട് 'ഇപ്പോള്‍ കോട്ടയത്തു പഠിച്ചുവരുന്ന ശെമ്മാശന്മാര്‍ മുതലായവര്‍ പള്ളികള്‍ തോറും സഞ്ചരിപ്പാന്‍ ഇടവന്നാല്‍ ചില സ്ഥലങ്ങളില്‍ രഹസ്യമായി കിടക്കുന്ന സത്യമുള്ള സുറിയാനി മാര്‍ഗ്ഗവും കൂടെ തീരെ മാഞ്ഞുപോകുന്നതിന് ഇടവരുമെന്നും അതിനാല്‍ ഈ തെക്കേ ദിക്കുകളില്‍ എവിടെ എങ്കിലും സുറിയാനി മാര്‍ഗ്ഗം അഭ്യസിപ്പിക്കുന്ന ഒരു പുതിയ സെമിനാരി പണിയിക്കണമെന്നും മറ്റും അറിയിക്കയാല്‍ തിരുവല്ലായോടു ചേര്‍ന്ന് മാന്നാര്‍ അരികുപുറത്തു കോരുതു മാത്തന്‍ എന്ന് നാമധേയവും പരോപകാര പ്രിയനുമായുള്ള ആള്‍ക്കു ഈ കാര്യത്തില്‍ ഭക്തിവൈരാഗ്യം തോന്നിയിട്ട് തന്‍റെ പരുമല എന്ന സ്ഥലത്ത് ഒരു പുരയിടം സിമ്മനാരി വയ്ക്കുന്ന വകയ്ക്കായിട്ട് മെത്രാപ്പോലീത്തായ്ക്കു ദാനം ചെയ്തിരിക്കുന്നതു കൂടാതെ സിമ്മനാരിപ്പണി ഉടനെ ആരംഭിക്...

1870 ജനുവരി 2-ന് തിരുവിതാംകൂര്‍ റസിഡണ്ട് ബല്ലാര്‍ഡ് സായിപ്പ് ഗസറ്റില്‍ ഒരു പരസ്യം പ്രസിദ്ധീകരിച്ചു. മലയാളത്തുള്ള സുറിയാനി സഭയേയും സമൂഹത്തേയും കുറിച്ച് നല്ല പ്രകരണം എഴുതുന്ന ആളിന് 250 രൂപാ നല്‍കുമെന്നായിരുന്നു പരസ്യം. താഴെ പറയുന്നവയാണ് വ്യവസ്ഥകള്‍. 1. മലയാള ഭാഷയിലെഴുതണം. സുറിയാനിക്കാരുടെ ആദ്യം മുതല്‍ക്കിന്നേയോളമുള്ള ചരിത്രമായിരിക്കണം. ചേര്‍ക്കുന്ന വിവരണങ്ങള്‍ക്കു പ്രമാണം കൊടുത്തിരിക്കണം. പോര്‍ത്തുഗീസുകാരുടെ വരവു മുതല്‍ വസ്തുനിഷ്ഠമായ ചരിത്രം ആയിരിക്കണം. 2. രാജാക്കന്മാരും സുറിയാനിക്കാരും തമ്മില്‍ കാലാകാലങ്ങളില്‍ പുലര്‍ത്തിയ ബന്ധം വര്‍ണ്ണിക്കണം. സുറിയാനിക്കാരുടെ പഴയ പ്രതാപം നഷ്ടപ്പെടുവാനുള്ള കാരണങ്ങള്‍ ചര്‍ച്ച ചെയ്യണം. ഉയര്‍ച്ചയ്ക്കുള്ള മാര്‍ഗ്ഗങ്ങളും. 3. ഉപദേശ സംബന്ധമായ വാഗ്വാദങ്ങള്‍ ഉള്‍പ്പെടുത്തരുത്. തേജോവധം ചെയ്യുന്ന വ്യക്തിപരാമര്‍ശങ്ങള്‍ അരുത്. 4. പ്രബന്ധം 50 ഫുള്‍സ്കാപ്പില്‍ കവിഞ്ഞു പോകരുത്. 5. സമ്മാനം രൂപയായോ പുസ്തകമോ ബഹുമതിയോ ആയോ നല്‍കും. 6. വലിയകോയിത്തമ്പുരാനും മാര്‍ അത്താനാസ്യോസ് മെത്രാപ്പോലീത്തായും ഹെന്‍റി ബേക്കര്‍ സായിപ്പും കൂടി സമ്മാനവാനെ തെരഞ്ഞെടുക്കും. അര്‍ഹതയ്...

പുലിക്കോട്ടില്‍ ജോസഫ് മാര്‍ ദീവന്നാസ്യോസ് രണ്ടാമന്‍ 1868-ല്‍ മദിരാശിയില്‍ ചെന്ന് ബാരിസ്റ്റര്‍ മോയിന്‍ സായിപ്പിനെക്കൊണ്ട് ഒരു ഹര്‍ജി തയ്യാറാക്കിച്ച് ഗവര്‍ണര്‍ സായിപ്പിന് നല്‍കി. ആ ഹര്‍ജി ഇപ്രകാരം ആയിരുന്നു: "ഫോര്‍ട്ട്സറ്റ് ജോര്‍ജ്ജ് ആലോചനസഭയില്‍ ഗവര്‍ണര്‍ എത്രയും ബഹുമാനപ്പെട്ട ഫ്രാന്‍സിസ് ലോര്‍ഡ് നെല്ലിയേര്‍ സായിപ്പ് അവര്‍കളുടെ സന്നിധാനത്തിങ്കലേക്കു, തിരുവിതാംകൂറിലേയും കൊച്ചിയിലേയും മലയാളത്തെയും തെക്കേ ഇന്ത്യയില്‍ പെട്ടിട്ടുള്ള സകല സ്ഥലങ്ങളിലേയും സുറിയാനി ക്രിസ്ത്യാനികളുടെ ബിഷപ്പും മെത്രാപ്പോലീത്തായുമാകുന്ന റൈറ്റ്. റവ. മാര്‍ ദീവന്നാസ്യോസ് എഴുതി ബോധിപ്പിക്കുന്ന സങ്കട ഹര്‍ജി എന്തെന്നാല്‍, തിരുവിതാംകൂര്‍, കൊച്ചി, മലയാളം മുതലായ സ്ഥലങ്ങളിലെ സുറിയാനി ക്രിസ്ത്യാനികളുടെ ബിഷപ്പും മെത്രാപ്പോലീത്തായുമായി എന്നെ അന്ത്യോഖ്യാ പാത്രിയര്‍ക്കീസ് 1865-ല്‍ നിശ്ചയിച്ച് എനിക്കു സ്ഥാനം തന്നു. ഞാന്‍ അന്ത്യോഖ്യയില്‍ നിന്നു വന്നു. സുറിയാനി ക്രിസ്ത്യാനികള്‍ എന്നെ സമ്മതിച്ചു എന്ന് തന്നെയല്ല ഇപ്പോഴും സമ്മതിച്ചു വരുന്നു. എങ്കിലും 1862 (?) -ല്‍ കൊല്ലം 1038 കുംഭ മാസം 3-ാം തീയ്യതി തിരുവിതാംകൂര്‍ ദിവാന്...

കൊല്ലം 1016-ാമാണ്ട് കര്‍ക്കിടക മാസം 15-ാം തിയ്യതി പാലക്കുന്നത്ത് അത്താനാസ്യോസ് മെത്രാപ്പോലീത്തായെ കീഴ്മര്യാദ പോലെ എല്ലാ പള്ളിക്കാരും അനുസരിച്ച് നടന്ന് കൊള്ളത്തക്കവണ്ണം വിളംബരം പൊന്നു തമ്പുരാന്‍ തിരുമനസ്സു കൊണ്ടും പെരുമ്പടപ്പില്‍ മഹാരാജാവ് തിരുമനസുകൊണ്ടും ചെയ്ത് ആയതിന്‍വണ്ണം പള്ളിക്കാരും ഭയന്ന് അനുസരിച്ച് നടന്നുവരുമ്പോള്‍ കോട്ടയത്ത് വലിയപള്ളിയില്‍ പീലിപ്പോസ്1 കത്തനാര്‍ മുതല്‍പേര്‍ മെത്രാനുമായി ചേര്‍ന്ന് പള്ളികള്‍ തോറും ക്രമമായി നട ക്കേണ്ടും കാര്യങ്ങളെ മെത്രാനെ ബോധിപ്പിക്കുകയും മെത്രാന്‍ അതിന്‍ വണ്ണം സമ്മതിച്ച് എല്ലാ പള്ളിക്കാരും കൊല്ലം 1028-ാമാണ്ട് കുംഭ മാസം 2-ന് കോട്ടയത്ത് സിമ്മനാരിയില്‍ കൂടത്തക്കവണ്ണം സാധനം എഴുതി അയയ്ക്കുകയും ചെയ്തു. സാധനപ്രകാരം തെക്കേദിക്കില്‍ നിന്ന് മിക്ക പള്ളിക്കാരും വടക്കേ ദിക്കില്‍ നിന്നും ഏതാനും പള്ളിക്കാരും വന്നു കൂടിയതിന്‍റെ ശേഷം എല്ലാ പള്ളിക്കാരും നടക്കുന്നതിനായി പീലിപ്പോസ് കത്തനാര്‍ മുതല്‍പേര്‍ താഴെ പറയുന്ന ഈ ചട്ടവര്യോലയും അതോടു കൂടി ഒരു സങ്കടവും മെത്രാന്‍റെ അടുക്കല്‍ എഴുതി വയ്ക്കയും മെത്രാന്‍ ആയതിനെ സമ്മതിച്ചു കൂടിയ പള്ളിക്കാരെക്കൊണ്ട് ഇപ്രകാരം നടക്കുന്നത...