Malankara Church History

2-1-1951. കോട്ടയം. സുന്നഹദോസ് നേരത്തെ നിശ്ചയിച്ച പരിപാടി അനുസരിച്ച് രാവിലെ കൂടി. മാര്‍ തീമോത്തിയോസ് മെത്രാപ്പോലീത്താ ഒഴികെ മെത്രാച്ചന്മാര്‍ എല്ലാവരും പ്രത്യേക ക്ഷണമനുസരിച്ച് മാളിയേക്കല്‍ എം. സി. മാത്യുവും, ഇ. ജെ. ഫീലിപ്പോസും നമ്മുടെ കൗണ്‍സിലറന്മാരും ഉണ്ടായിരുന്നു.  സഭയില്‍ പുരോഗമനോന്മുഖമായ പ്രവര്‍ത്തനങ്ങള്‍ കാര്യക്ഷമമാക്കുന്നതിന് ആവശ്യമായ പരിപാടികള്‍ ആവിഷ്ക്കരിക്കുവാന്‍ ഇടവകഭരണം കൂടുതല്‍ കാര്യക്ഷമമാക്കുന്നതിന് കൈക്കൊള്ളേണ്ട പരിപാടികളെപ്പറ്റി ചിന്തിച്ചു. ഇന്നത്തെ സുന്നഹദോസ് അവസാനിച്ചു.  3-1-1951. കോട്ടയം. സുന്നഹദോസ് തുടര്‍ന്നു കൂടി അതിപ്രധാനമായ തീരുമാനങ്ങള്‍ കൈക്കൊണ്ടു. തട്ട പള്ളിക്കേസും വകയാര്‍ പള്ളിക്കേസും കേട്ടു തീരുമാനിച്ചു. 

19-11-1950. തിരുവനന്തപുരം. തിരുവനന്തപുരം പള്ളിയുടെ കനകജൂബിലി മഹാമഹം പ്രമാണിച്ച് ഇവിടെ എത്തി അവരെ ആശീര്‍വദിക്കണമെന്നുള്ള ഇടവകക്കാരുടെ അത്യഗാധമായ താല്പര്യവും അപേക്ഷയും പരിഗണിച്ചാണ് നാം ഇവിടെ എത്തിയത്. ഇടവകയുടെ അഭിവൃദ്ധിയും ജനങ്ങളുടെ ഭക്തിപ്രകടനങ്ങളും നമ്മെ അതീവ സന്തുഷ്ടനാക്കി.  നാമും മാര്‍ തേവോദോസ്യോസ് മെത്രാപ്പോലീത്തായും, ഗീവറുഗീസ് റമ്പാച്ചനും കൂടെ വി. കുര്‍ബ്ബാന അര്‍പ്പിച്ചു. കുര്‍ബ്ബാനമദ്ധ്യേ നാം പ്രസംഗിച്ചു.  ഉച്ചയ്ക്കുശേഷം നാലു മണിക്കു പള്ളി അങ്കണത്തില്‍ കൂടിയ വമ്പിച്ച പൊതുയോഗത്തില്‍ നാം ആദ്ധ്യക്ഷം വഹിച്ചു. മന്ത്രി ജോണ്‍ ഫീലിപ്പോസും തേവോദോസ്യോസ് മെത്രാച്ചനും മാമ്മന്‍ മാപ്പിളയും പ്രസംഗിച്ചു. ചടങ്ങുകള്‍ എല്ലാം വളരെ മംഗളമായിരുന്നു.  20-11-1950. തിരുവനന്തപുരം. വിദ്യാഭ്യാസ പ്രശ്നം സംബന്ധിച്ച് നമ്മുടെ നില മനസ്സിലാക്കുന്നതിന് വിദ്യാഭ്യാസ മന്ത്രി പനമ്പള്ളിയുടെ നിയോഗാനുസരണം മന്ത്രി ജോണ്‍ ഫീലിപ്പോസ് നമ്മെ സന്ദര്‍ശിച്ചു സുദീര്‍ഘം സംസാരിച്ചു. നിയമന സ്വാതന്ത്ര്യം എങ്കിലും കിട്ടേണ്ടതാണെന്നും കൂടുതല്‍ വിട്ടുവീഴ്ചയ്ക്കു തല്‍ക്കാലം നാം തയ്യാറില്ലെന്നും പറയുകയുണ്ടായി. തദവസരത്തില്‍ നിയമ ...

5-11-1950. പരുമല. ഇന്നേദിവസം നാം വി. കുര്‍ബ്ബാന അണച്ചു. കുര്‍ബ്ബാനമദ്ധ്യേ ഗവണ്മെന്‍റിന്‍റെ വിദ്യാഭ്യാസ നയത്തെ സംബന്ധിച്ചും സമുദായത്തിന്‍റെ പൊതുതാല്പര്യങ്ങളെ മറന്നു പണത്തിനു വേണ്ടി നിലകൊള്ളുന്ന നമ്മുടെ നന്ദികെട്ട അദ്ധ്യാപകന്മാരെ സംബന്ധിച്ചും പ്രസംഗമദ്ധ്യേ പ്രസ്താവിച്ചു.  6-11-1950. പരുമല. നിരണം സ്കൂളിലെ അദ്ധ്യാപക കുഴപ്പങ്ങളെ സംബന്ധിച്ച് വികാരി നമ്മുടെ മുമ്പാകെ റിപ്പോര്‍ട്ടു ചെയ്തു. സ്ഥിതിഗതികള്‍ അന്വേഷിച്ചു വേണ്ടതു പ്രവര്‍ത്തിക്കുന്നതിന് മാര്‍ ദീവന്നാസ്യോസ് മെത്രാപ്പോലീത്തായെ നാം നിയമിച്ചു.  7-11-1950. രാവിലെ കാപ്പിമേശയ്ക്കു ശേഷം ചെങ്ങന്നൂര്‍ക്കു പുറപ്പെട്ടു. ബഥേലില്‍ കയറി കൊച്ചുമെത്രാച്ചനെ സന്ദര്‍ശിച്ചു. കൊച്ചുമെത്രാച്ചന് നല്ല സുഖമില്ലെന്നും വിശ്രമാര്‍ത്ഥം അവധി അനുവദിക്കണമെന്നും ആവശ്യപ്പെട്ടു. മെത്രാച്ചന്‍റെ ചികിത്സയ്ക്കു 100 രൂപ കൊടുത്തു. ഉച്ചയോടു കൂടെ തിരുവല്ലയില്‍ എത്തി. എം.ജി.എം. ലെ സ്ഥിതിഗതികള്‍ അന്വേഷിച്ചതില്‍ നമ്മുടെ അച്ചന്മാരുള്‍പ്പെടെ സകലരും സ്ട്രൈക്ക് ചെയ്തു എന്നറിഞ്ഞു.  8-11-1950. കോട്ടയം. ഇന്നലെ വൈകിട്ട് നാം ഇവിടെയെത്തി. രാവിലെ കാപ്പിമേശയ്ക്കു ശേഷം മാങ്ങാനത്തു...