എത്യോപ്യന് ചക്രവര്‍ത്തി ഹെയ്ലി സെലാസിയുടെ പഴയസെമിനാരി, ചേപ്പാട്ട് പള്ളി സന്ദര്‍ശനങ്ങള്‍ (1956 ഒക്ടോബര്)
1956 ഒക്ടോബര് 24 ബുധന് . രാവിലെ തുമ്പമണ് കാരന് ഇടിക്കുള വന്നിരുന്നു. സ്കൂള് കാര്യത്തെപ്പറ്റിയും മറ്റും പറഞ്ഞു. കുരിശുംതൊട്ടിയില് ലൈറ്റിടുന്നതിനായി 200 രൂപാ നമ്മെ ഏല്പിച്ചു. പത്തര മണിക്ക് ഫീലിപ്പോസ് കത്തനാര് ഓഫീസില് വന്നിരുന്നു. 12 മണിക്ക് സി. പി. മാത്തന് വന്നിരുന്നു. എത്യോപ്യന് ചക്രവര് ത്തിയുടെ പ്രോഗ്രാം വ്യത്യാസപ്പെടുത്തിയതില് സൈമണ് ശെമ്മാശനും മറ്റുമുള്ള പങ്കിനെപ്പറ്റി പറഞ്ഞു. പഴയസെമിനാരിയിലെ സ്വീകരണം ഏറ്റം ഭംഗിയാക്കണമെന്നും അതേപ്പറ്റി ആലോചിക്കുന്നതിന് ഇന്ന് വൈകിട്ട് മാത്തന് പഴയസെമിനാരിയില് വന്നെത്താമെന്നും പറഞ്ഞു. മൂന്നു മണിക്ക് മണിക്ക് മാര് തേവോദോസ്യോസ് മെത്രാച്ചനും ഒന്നിച്ച് പഴയസെമിനാരിയില് പോയി. മാര് ദീവന്നാസ്യോസ് മെത്രാച്ചന് അവിടെ ഉണ്ടായിരുന്നു. മെത്രാച്ചനുമായി അധികനേരം ചക്രവര് ത്തിയുടെ വരവിനെ സംബന്ധിച്ചും മറ്റും മറ്റും വര് ത്തമാനം പറഞ്ഞു. ചക്രവര് ത്തിയുടെ വരവു സംബന്ധിച്ചു പെയിന് റിംഗ്, വെള്ളപൂശ്, വഴി നന്നാക്ക് മുതലായ ജോലികള് ധൃതഗതിയില് നടന്നുകൊണ്ടിരുന്നു. നാലര മണിക്ക് ഫീലിപ്പോസച്ചനും, കൊച്ചുണ്ണൂണ്ണിയും വന്നു. കള...